Գազայում 50-օրյա ռազմական գործողությունը իսրայելական իշխանություններին արժեցել է 2.5 մլրդ դոլար՝ հաղորդել է Իսրայելի պաշտպանության նախարար Մոշե Յաալոնը:
««Պաշտպանության սահման» գործողության ծախսերը, ուղիղ ռազմական ծախսերը կազմել են ավելի քան 9 մլրդ շեկել (2,5 մլրդ դոլար)»,-հայտարարել է նախարարը Թել Ավիվում կայացած տնտեսական համաժողովի ժամանակ:
«Մենք գրոհել ենք ավելի քան 6 հազար թիրախ, որոնցից 5 հազարը՝ օդից և մոտ 900-ը՝ ցամաքում և ծովում»,- հավելել է Յաալոնը:
Բացի այդ, պաշտպանության նախարարն ընդգծել է Իսրայելի պաշտպանության բանակի հաջողությունները, որոնց հասել են մարտերի 50 օրվա ընթացքում: Մասնավորապես, իսրայելցիներին հաջողվել է ոչնչացնել զենքի ու զինամթերքի մեծ մասը, որը գտնվում էր ՀԱՄԱՍ-ի տրամադրության տակ:
Գործողությունների սկսվելու պահից Գազայում երկու կողմից զոհվել է ավելի քան 2 հազար մարդ: