Սքոթլանդ Յարդի շենքը` Մեծ Լոնդոնի ոստիկանության շտաբ-գրասենյակը, երեքշաբթի վաճառքի կհանվի: Այն 250 մլն ֆունտ (410 մլն դոլար) կարժենա: Այս մասին գրում է Financial Times-ը:
Վաճառքից հետո Սքոթլանդ Յարդը կտեղափոխվի Թեմզայի ափին գտնվող ավելի փոքր գրասենյակ: Մեծ քանակությամբ սպաներ կաշխատեն գրասենյակից դուրս` պլանշետների և սմարթֆոնների միջոցով:
Մեծ Բրիտանիայի ՆԳՆ պահանջով՝ Մեծ Լոնդոնի իշխանությունները կրճատում են ծախսերը: Շտաբ-գրասենյակի վաճառքը թույլ կտա խնայել տարեկան 6 մլն ֆունտ, որը միայն շենքի շահագործման վճարն է: Դա հավասարազոր է 130 ոստիկանի աշխատավարձի: