ԱՄՆ-ում թողարկվել է աշխարհում առաջին կոմիքսների շարքը, որի գլխավոր հերոսը աուտիզմով տառապող մարդն է՝ հայտնում է NBC News-ը:
Պատմության հեղինակներն են Դեյվ Քոտն ու Սքայ Օուենսը: Քոտը հուսով է, որ իր գրքերը «աուտիզմով տառապող մարդկանց կօգնեն ավելի լավ հասկանալ իրենց շրջապատող աշխարհը»:
Մայքլ անունով նոր կերպարն ուժեղ է մաթեմատիկայից ու օժտված է գեղարվեստական տաղանդով: Ինչպես հայտնում են ստեղծողները, հերոսի գլխավոր կարողություններից մեկը սեփական զգացումները հասկանալու ունակությունն է:
Նրանց խոսքով՝ կոմիքսի բոլոր գործող անձանց միտումնավոր նկարել են վառ ու արտահայտիչ, իլյուստրատորները հատուկ ուշադրություն են հատկացրել դիմախաղին, որպեսզի աուտիկ երեխաները կարողանան ընկալել իրենց հերոսների ուղարկած սոցիալական ազդակները: