Զբոսանավը, որով Թուրքիայից Հունաստան էին ճամփորդում Վրաստանի նախկին նախագահ Միխեիլ Սաակաշվիլին ու Աջարիայի ինքնավարության նախկին ղեկավար Լևան Վարշալոմիձեն, Սամոս կղզում 4 ժամով կալանել են: Ինչպես տեղեկացնում է «Գրուզիա օնլայնը», այս մասին հայտնել է Հունաստանում Վրաստանի դեսպան Դավիթ Բաքրաձեն:
Նրա խոսքով՝ դեսպանությունը տեղեկություն է ստացել Սամոս կղզու ոստիկանական բաժանմունքից:
«Ես տեղեկություն ունեմ, որ ներկայացրել է հունական Սամոս կղզու ոստիկանապետ Դմիտրի Կապակաիդիսը: Տեղեկության համաձայն՝ երեկ, ժամը 18:00-ին, Թուրքիայի կողմից ժամանել է բրիտանական դրոշով զբոսանավ, որում եղել են Վրաստանի քաղաքացիներ, այդ թվում՝ Միխեիլ Սաակաշվիլին ու Լևան Վարշալոմիձեն:
Տեղի ոստիկանության տվյալով՝ նրա անձնագրի ստուգման ժամանակ հայտնվել է տեղեկություն, որ Վրաստանի կողմից ստացվել է հարցում նրան ձերբակալելու վերաբերյալ, սակայն հաշվի առնելով, որ բոլոր ընթացակարգերն ավարտված չեն՝ Հունաստանը չուներ նրան ձերբակալելու հիմքեր: Նշվում է, որ նավը կղզում կալանվել է 4 ժամով, ինչից հետո այն վերադարձրել են»,- հայտարարել է Բաքրաձեն:
Վրաստանի դատախազությունը անցկացնում է ընթացակարգեր Սաակաշվիլիի նկատմամբ հայտարարելու միջազգային հետախուզում: