Լիբանանի միապալատ խորհրդարանը հերթական անգամ չի կարողացել երկրի նախագահ ընտրել՝ քվորումի բացակայության պատճառով: Այս մասին, ինչպես հաղորդում է ITAR-TASS-ը, հայտարարել է երկրի խորհրդարանի խոսնակի մամուլի քարտուղար Մուհամմադ Բալութը՝ նշելով, որ հաջորդ նիստը տեղի կունենա սեպեմբերի 23-ին:
Հաղորդվում է, որ նիստին բացակայել են խորհրդարանի նախագահ Նաբիհ Բերին և վարչապետ Թամամ Սալամը, ինչը խոսում է այն մասին, որ սիրիամետ և արևմտամետ խմբակցությունների միջև տարաձայնությունները՝ երկու կողմերի համար ընդունելի նախագահի հարցում, հաղթահարված չեն:
Քվեարկության առաջին փորձը տեղի էր ունեցել դեռ ապրիլի 23-ին, որում հաղթող չէր ճանաչվել: Դրանից հետո բոլոր 11 փորձերը տապալվել են քվորումի բացակայության պատճառով:
Երկրի նախագահի պաշտոնը արդեն 101 օր է, ինչ թափուր է, այն բանից հետո, երբ մայիսի 25-ին այն ազատեց Միշել Սուլեյմանը: Լիբանանում, ընդունված է, որ նախագահի պաշտոնը զբաղեցնում է քրիստոնյա-մարոնի:
