Նացիստների առաջնորդ Ադոլֆ Հիտլերի ինքնագրով լուսանկարը դրվել է աճուրդի՝ հաղորդում է The Daily Mail-ը: 1929թ. լուսանկարի արժեքը կարող է հասնել մինչև 18 հազար ֆունտ սթերլինգի:
Լուսանկարը գտնվել է 1945թ.-ին՝ բրիտանացի թղթակից Ուիլյամ Ֆորեսթի կողմից, հիտլերյան բունկերի հատակին: Վերջինս Բեռլին էր ժամանել իր երկրի զորքերի հետ միասին:
Վաճառքով զբաղվում է The Auction Centre-ը: Ինչպես նշել է աճուրդի կազմակերպիչ Մայքլ Բեյնը՝ լուսանկարն արվել է Հիտլերի՝ Լանդսբերգի բանտից դուրս գալուց որոշ ժամանակ անց:
«Հավանաբար, Հիտլերը պահել է այդ լուսանկարը՝ իրեն հիշեցնելու համար, թե ինչ դժվարությունների միջով է անցել»,- ասել է Բեյնը:
Աճուրդը կկայանա սեպտեմբերի 13-ին: