Բարբի հայտնի տիկնիկը այս տարվա սեպտեմբերից գնորդներին կներկայանա մեքսիկացի երաժիշտների՝ մարյաչիի ազգային հագուստով: Այս մասին հայտնել է տիկնիկ արտադրող ընկերությունը:
Ընկերության հաղորդմամբ՝ տիկնիկին մեքսիկական զգեստ հագցնելու որոշումը կապված է Մեքսիկայի Անկախության օրվա կապակցությամբ կայանալիք տոնակատարությունների հետ. այն ավանդաբար նշվում է սեպտեմբերի 16-ին:
Դիզայներները մտածել են Բարբիի հագուստի բոլոր մանրուքների մասին՝ սև մարյաչի կոստյում, սև մեծ սոմբրերո, սպիտակ բլուզ ու վարդագույն ժապավեն:
Մարյաչին համարվում է Մեքսիկայի խորհրդանիշներից մեկը: Առանց նրանց մասնակցության չի անցնում գրեթե ոչ մի հանդիսավոր արարողություն:
