Առաջիկա հինգշաբթի ԱՄՆ ավելի քան հարյուր քաղաքներում կանցկացվի արագ սննդի ռեստորանների աշխատակիցների հերթական գործադուլը: Ինչպես տեղեկացնում է The New York Times-ը, չեն բացառվում նաև քաղաքացիական անհնազանդության ակցիաները:
Արագ սննդի ցանցերի աշխատակիցները պահանջում են ժամավճարի ավելացում մինչև 15 դոլար: Կազմակերպիչների խոսքերով՝ գործադուլը կանցկացվի ամերիկյան ավելի քան հարյուր քաղաքների ռեստորաններում: Նախատեսվում են նաև նստացույցեր ավելի քան տասը բնակելի շրջաններում:
Հուլիսին Չիկագոյի մոտ տեղի ունեցած հավաքի ժամանակ ռեստորանների մոտ 1.3 հազար աշխատակիցներ միաձայն հավանություն են տվել քաղաքացիական անհնազանդության ակցիաների անցկացման բանաձևին:
Իրենց հերթին ընկերություններն ու օպերատորները պնդում են, որ ժամը 15 դոլարի վճարման պահանջը իրատեսական չէ:
