ՀԴԲ-ն հայտարարել է, որ սկսվել է հայտնի երգչուհիների և դերասանուհիների՝ համացանցում հրապարակված մերկ լուսանկարների հետաքննությունը: Դրանք ենթադրաբար առևանգվել են ցանցահենների կողմից՝ iCloud սերվիսի կոտրման արդյունքում:
Միաժամանակ Apple-ն իրականացնում է սեփական ներքին հետաքննությունը՝ ստուգելու համար, թե արդյոք չարագործները իսկապե՞ս կարողացել են օգտվել iCloud-ի խոցելի հատվածներից, թե՞ նրանց անձնական օգտահաշիվների ծածկագրերը ձեռք են բերել այլ ճանապարհներով:
Ոչ մի այլ մեկնաբանություն ամերիկյան իշխանություններից և Apple-ից չի հաղորդվում:
Հիշեցնենք, որ հաքերները համացանցում տարածել են Ջենիֆեր Լոուրենսի, Քրիստեն Դանսթի, Ռիհաննայի, Քիմ Քարդաշյանի, Մերի Քեյթ Օլսենի, Արիանա Գրանդեի, Վիկտորյա Ջասթիսի, Քեյթ Ափթոնի կիսամերկ կամ ամբողջովին մերկ լուսանկարները: