Ծայրահեղական «Իսլամական պետություն» շարժման ահաբեկիչների առաջխաղացումը Իրաքում սպառնում է ողջ տարածաշրջանի ապակայունացմամբ և վտանգ ներկայացնում Գերմանիայի և ԵՄ-ի համար: Այս մասին գրում է ITAR-TASS-ը` վկայակոչելով Գերմանիայի կանցլեր Անգելա Մերկելին:
Մերկելը նշել է, որ վերջին շաբաթների ընթացքում ահաբեկիչներն «անհավանական չարագործություններ» են գործել: «Այն ամենը, ինչ չի համապատասխանում աշխարհի` իրենց պատկերացմանը, նրանք հեռացնում են իրենց ճանապարհից»,- ասել է նա:
«Տվյալ դեպքում կրոնը հրեշավոր կերպով օգտագործվում է հանցագործ նպատակներով` սպանությունը, ահաբեկչությունը և բռնությունն օրինականացնելու համար»,- հավելել է կանցլերը:
Նրա խոսքերով` Գերմանիայի կառավարությունը «հանգամանորեն է մոտեցել գնահատականին» Իրաք զենք մատակարարելու որոշման առումով` «դրանով հանդերձ քննելով բոլոր արտաքին քաղաքական կետերը»:
«Իսլամական պետությունը» սպառնալիք է նաև մեր սեփական շահերին անվտանգության ոլորտում»,- եզրակացրել է Մերկելը: