Քեթրինն ու Ուիլյամը օգտվել են հասարակական տրանսպորտից

Պատկերացրեք, որ դուք մտնում եք քաղաքամերձ գնացք, զբաղեցնում եք ձեր տեղը և այդ պահին հասկանում եք, որ ձեր կողքին նստած են դքսուհի Քեթրինն ու արքայազն Ուիլյամը: Դա լիովին հնարավոր է:

Օրեր առաջ թագավորական ընտանիքն օգտվել է հասարակական տրանսպորտից, որպեսզի Լոնդոն հասնի քաղաքից դուրս գտնվող իրենց տնից: Ընդ որում, ամուսինները ճանապարհորդել են իրենց տնային կենդանու՝ Լուպոյի հետ, առանց թիկնապահների և ամենալարված ժամին:

Քեթրինն ու Ուիլյամը ջինս ու սովորական վերնաշապիկ են կրել: Սակայն նույնիսկ նման քողարկումը չի օգնել նրանց աննկատ մնալ: Հենց որ անգլիացիները ճանաչել են նրան, միանգամից հանել են ֆոտոխցիկները և մի քանի լուսանկար արել: