Բրիտանուհի Թինա Լիթլվուդը քիչ է մնացել՝ զոհվի մազերը ներկելիս: 41-ամյա կինը գնել էր Clairola ապրանքանիշի մազերի ներկ, որը նրա մոտ ուժգին ալերգիկ ռեակցիա է առաջացրել: Թինան ամուսնու հետ պետք է այցելության գնար բանակում ծառայող որդուն, սակայն չստացվեց: Այս մասին գրում է Daily Mail-ը:
Կինը սարսափելի այրվածքներ է ստացել: Նրա խոսքերով` «գլուխն ասես ռեգբիի գնդակ լիներ»: Բացի այդ, մի քանի օր Թինան չի կարողացել բացել աչքերը: Նա շատ ուժեղ ցավազրկողներ է ընդունել:
6 շաբաթ անց նա իրեն լավ է զգացել: Կինն ասել է, որ պատրաստ է մնալ ճերմակ մազերով, սակայն մազերն այլևս չի ներկի:
Ի դեպ, բժիշկները նրա այրվածքները համեմատել են հրդեհի ժամանակ ստացված այրվածքների հետ:
