Իրանի Իսլամական Հանրապետության առաջին փոխնախագահ Էսհակ Ջահանգիրին հայտարարել է, որ Իրանը իրեն վերապահում է ԱՄՆ պատժամիջոցներին նույն կերպ պատասխանելու իրավունք: Այս մասին հայտնում է IRNA գործակալությունը:
Ջահանգիրին դատապարտել է Վաշինգտոնի՝ օգոստոսի 29-ին սահմանած պատժամիջոցները և հայտարարել, որ դրանք հակասում են Թեհրանի և համաշխարհային տերությունների միջև նոյեմբերին կնքված Ժնևյան համաձայնագրին:
Նրա խոսքով՝ այդ քայլը հակասում է Իրանի միջուկային խնդրի լուծմանը, սակայն նա հաստատել է, որ Թեհրանը կշարունակի միջազգային միջնորդների «վեցյակի» հետ բանակցությունները:
Ուրբաթ օրը հայտնի դարձավ, որ ԱՄՆ իշխանությունները նոր պատժամիջոցներ են սահմանել 25 մարդու և կազմակերպությունների նկատմամբ, որոնք կասկածվում են Իրանի միջուկային ծրագրին աջակցելու մեջ:
