ԱՄՆ Մերիլենդ նահանգում ամերիկյան Atlantic Firearms դիլերից գնել են բոլոր «ԱԿ-47»-երը «Կալաշնիկով» կոնցեռնի դեմ պատժամիջոցների պատճառով, գրում է The Washington Post-ը:
2014-ին «Կալաշնիկովը» Russian Weapon Company-ի հետ ստորագրել էր պայմանագիր, համաձայն որի՝ կարող էր ԱՄՆ և Կանադա մատակարարել տարեկան մինչև 200 հազար միավոր զենք, սակայն ավելի ուշ ռուսական կոնցեռնը ընկավ Վաշինգտոնի պատժամիջոցների տակ:
Հետագայում ճշտվեց, որ պայմանագիրը ոչ թե չեղյալ է հայտարարվել, այլ սառեցվել է:
Ինչպես նշում է թերթը, Բիշոփվիլ քաղաքում Atlantic Firearms-ի աշխատակիցները առանց դադարի են աշխատել՝ պատվիրատուներին ուղարկելով Ռուսաստանում պատրաստված հարյուրավոր «ԱԿ-47»-եր: