Մեծ Բրիտանիայի վարչապետ Դևիդ Քեմերոնը և ԱՄՆ նախագահ Բարաք Օբաման եվրոպացի դաշնակիցներին կոչ կանեն մեծացնել պաշտպանության ուղղությամբ ՆԱՏՕ-ի ծախսերը, գրում է The Telegraph-ը: ԱՄՆ և Բրիտանիայի ղեկավարներն այսպիսի հայտարարությամբ հանդես կգան Ուելսում դաշինքի գագաթնաժողովի ժամանակ, նշում է պարբերականը:
ՆԱՏՕ-ի անդամ եվրոպական երկրներին կառաջարկեն դաշինքի պաշտպանական կարիքների համար ծախսել ՀՆԱ-ի առնվազն 2%-ը, ասվում է հոդվածում: Դիվանագիտական աղբյուրների խոսքով՝ հույսը, որ եվրոպական մեծ տերությունները կհամաձայնեն ավելացնել ծախսերը, փոքր է:
Իրենց հերթին՝ Բրիտանիայի նախկին բարձրաստիճան զինվորական պաշտոնյաները քննադատել են ՆԱՏՕ-ի որոշ դաշնակիցների, որոնք բավականաչափ միջոցներ չեն ծախսում դաշինքի համար՝ հույսը դնելով մյուսների վրա:
