Հնդկաստանում Ռաջա անունով փիղը, որին 50-ամյա ստրկությունից փրկել էր վայրի կենդանիների պաշտպանության բարեգործական կազմակերպությունը, կարող է վերադառնալ իր նախկին տիրոջը՝ գրում է The Daily Mail-ը: Դաժան տերը, որի կողմից փիղը ծեծի ու ստորացման է ենթարկվել, հայտարարել է, որ կենդանին իր «օրինական սեփականությունն է», և նրան հարկավոր է վերադարձնել որքան հնարավոր է արագ:
Կաթնասունի ճակատագիրը, որն հիմա ապրում է կենդանաբանական այգում, կվճռի սեպտեմբերի 4-ին կայանալիք նիստի ժամանակ: Նախկին տեղից արդեն դուրս են բերել դժբախտ փղին, և անասնաբույժները խորհուրդ չեն տալիս վերադարձնել նրան այդ պայմաններին՝ գրում է բրիտանական պարբերականը:
Երբ հուլիսի 4-ին տանջված Ռաջայից հանել էին փշե շղթաները, նրա աչքերից շնորհակալության արցունքներ էին հոսել, իսկ հետո նա ժպտացել էր՝ կյանքում առաջին անգամ:
«Ռաջան ստիպված է եղել շատ բան տանել: Վերջին մի քանի տարվա ընթացքում նա 24 ժամ կապված է եղել: Հնարավոր է, որ նա բազմիցս վաճառվել է և փոխել է մոտ 27 սեփականատիրոջ: Եվ ամեն անգամ նրա հետ շատ վատ են վերաբերվել: Հիմա նա իրեն ավելի լավ է զգում, բայց տարիներ շարունակ վերականգնման ու բուժման կարիք ունի»,- ասում են մասնագետները: