Երևանի Խաչիկ Դաշտենցի անվան թիվ 114 ավագ դպրոցում ազդարարվեց նոր ուսումնական տարին: Աշակերտները կարոտել էին դպրոցը, դասընկերներին: Հնչում էր երգ-երաժշտություն, աշակերտները, սակայն, չզգաստացան նաև այն ժամանակ, երբ հնչեց հիմնը, ինչին արձագանքեց դպրոցի տնօրենը:
Դպրոցի տնօրեն Ռուզաննա Կոստանյանը, շնորհավորելով նոր ուսումնական տարվա կապակցությամբ, նշեց, որ ուսուցիչները դպրոց են գալիս մեծ նվիրումով:
«Ես ուզում եմ իմ յուրաքանչյուր աշակերտ ամեն օր դպրոցից վերադառնա լիքը գիտելիքով, ցանկություն ունենա սովորելու, կրթվելու: Միշտ հիշեք, սիրելի՛ աշակերտներ, ամոթ է, ես ամոթով եմ ասում, աշխարհի որևէ երկրում չկա նման բան, երբ հիմնը հնչի ու չզգաստանան: Միշտ հիշեք, ամեն փոքր մանրուք նշանակություն ունի: Ես ուզում եմ, որ այս դպրոցի յուրաքանչյուր շրջանավարտ լինի հայրենիքի լավ կրթված անձնավորություն»,- ասաց տնօրենը՝ դպրոցի դռները բացելով աշակերտների առաջ:
Ավելին՝ տեսանյութում: