Սեպտեմբերի 1-ից Ռուսաստան ժամանող աշխատանքային միգրանտները ըստ ցանկության կարող են հանձնել ՌԴ պատմության թեստ: Հետագայում այդ թեստը կանցկացնվի պարտադիր կարգով՝ օրինականորեն աշխատանքի տեղավորվելու համար: Այս մասին հայտնում է ITAR-TASS-ը:
Ժողովուրդների բարեկամության ռուսական համալսարանի լրացուցիչ կրթության հարցերով պրոռեկտոր Անժելա Դոլժիկովայի խոսքով, որն ընդգրկված է կրթության և գիտության նախարարության հետ համատեղ քննական տարբերակները մշակող խմբում, պատրաստվել է պատմության վերաբերյալ 100 հարց:
«Սեպտեմբերի սկզբին դրանք տեղադրված կլինեն Ռուսաստանի թեստային կոնսորցիումի կայքում: Միգրանտները հասանելիություն կստանան բոլոր հարցերին, ընդ որում՝ նույնիսկ նշված կլինեն ճիշտ պատասխանները: Վերջնական քննական տարբերակներում հարցերի կարգը կփոխվի կայքում հրապարակվածի համեմատ»,- ասել է նա:
Առայժմ քննության հանձնումն ըստ ցանկության է, սակայն 2015-ի հունվարի 1-ից թեստի հանձնման վերաբերյալ արտոնագիրը պարտադիր պայման կլինի աշխատանքային ժամանակավոր այցագիր կամ օրինականորեն աշխատանքի տեղավորվելու հնարավորություն ստանալու համար: