Այսպես կոչված՝ «ֆինանսական տրոյաների»՝ չարագործ ծրագրերի թիվը, որոնք ուղղված են բանկային համակարգիչների դեմ, այս տարի, նախորդ տարվա համեմատ, ավելացել է երեք անգամ՝ հաղորդում է Financial Times թերթը: Օգոստոսի կեսերին մի շարք խոշոր ամերիկյան կազմակերպություններ, ներառյալ JP Morgan Chase & Co. (JPM)-ը, ենթարկվել են զանգվածային կիբերհարձակումների: Դրա հետ մեկտեղ այնպիսի խոշոր ընկերություններ, ինչպիսիք են՝ Goldman Sachs-ը, Morgan Stanley-ն, Bank of America-ն, Citigroup-ը և Wells Fargo-ն, անձեռնմխելի են մնացել՝ հաղորդում է պարբերականը:
«Անհայտ է, թե կոնկրետ ով է կանգնած եղել վերջին հարձակումների ետևում և ինչ տվյալներ են հետաքրքրել հաքերներին: Այնուամենայնիվ, ակնհայտ է, որ բանկերի կայքերը, ավտոմատացված հաշվարկման և աշխատավարձերի փոխանցման համակարգերը դարձել են «ֆինանսական տրոյաների» գլխավոր թիրախը, երբ վիրուսը քողարկվում է օրինական ծրագրային ապահովվածության ներքո»,- գրում է պարբերականը՝ հղում անելով Symantec ընկերության կիբերանվտանգության ծառայությանը:
Անցած տարվա վերջին հրապարակված զեկույցում «տրոյաները» կիրառվել են ավելի քան 1400 ֆինանսական ինստիտուտների դեմ, ընդ որում՝ դրանց թիրախը եղել են ամերիկյան բանկերը: