Վրաստանի ԵՄ-ի հետ Ասոցացման համաձայնագրի մեծ մասը, որը ներառում է խորը և համապարփակ ազատ առևտրի գոտի (DCFTA), ուժի մեջ կմտնի սեպտեմբերի 1-ից: Այս մասին գրում է Interfax-ը՝ վկայակոչելով Վրաստանի տնտեսական զարգացման նախարարությանը:
Գերատեսչությունում հայտնել են, որ երկուշաբթի օրվանից կսկսի գործել փաստաթղթի մոտ 80 տոկոսը, այդ թվում՝ DCFTA-ն: Դրանից հետո կսկսվի համաձայնագրի գործնական կիրառումը: Պայմանագիրը ենթադրում է վրացական գյուղատնտեսական և արդյունաբերական արտադրանքների ազատ տեղակայում եվրոպական շուկա և տեղի շուկա անվնաս ու անվտանգ մթերքների մատակարարում:
DCFTA-ի շրջանակներում ԵՄ շուկա մատակարարվող վրացական գրեթե բոլոր մթերքներն ազատվում են մաքսային տուրքից: Սակայն որոշ սահմանափակումներ ամեն դեպքում կգործեն:
Մասնավորապես, 28 տեսակի մթերքներ, այդ թվում՝ գինին, մրգերը և բանջարեղենը, ԵՄ արտահանման համար մաքսային հարկ կվճարեն՝ առանց տվյալ ապրանքի համար նախատեսված հավելյալ հարկի:
Որոշ մթերքներ ենթարկվում են տարեկան մաքսազերծված տարիֆային քվոտայի: Դրանցից է, օրինակ, սխտորը, որի քվոտան 220 տոննա է, ինչը գերազանցելու դեպքում պետք է վճարվի մաքսային հարկ:
