Բրիտանացի գիտնականները փոխադարձ կապ են գտել Երկրի մթնոլորտ գազերի արտանետման և մարդկության կողմից մսի ու կաթնամթերքի օգտագործման միջև:
Քեմբրիջի և Աբերդինայի համալսարանների հետազոտողները կանխատեսում են, որ մինչև 2050թ.-ը սննդամթերքների արտադրության արդյունքում արտանետվող գազերի ծավալը կավելանա 80%-ով, իսկ դա նշանակում է, որ անհնար կլինի հասնել մթնոլորտում հայտնվող ածխաթթու գազի ծավալի պարամետրերի նվազմանը:
Ըստ գիտնականների՝ այդ միտումը հնարավոր է կանխել, եթե զարգացող երկրներում բարելավվի գյուղատնտեսական մթերքների արտադրությունը, ավելի քիչ մթերքներ դեն գցվեն, իսկ մարդիկ սկսեն ավելի քիչ միս ուտել:
Հետազոտության արդյունքները հրապարակվել են Nature Climate Change ամսագրում:
