Ավստրալիայի վարչապետ Թոնի Աբոտը հայտարարել է, որ երկրի ռազմաօդային ուժերը մոտակա օրերին կսկսեն զենք մատակարարել քրդական զինված խմբավորումներին, ովքեր պայքարում են «Իսլամական պետության» խմբավորման գրոհայինների դեմ:
Տեղի հեռուստաալիքներին տված հարցազրույցում կառավարության ղեկավարը ենթադրել է, որ Կանբերան կարող է ընդլայնել ռազմական օգնությունը այն ուժերին, որոնք պայքարում են ԻՊ-ի դեմ: Աբոտան նշել է, որ որոշումը կկայացվի «դաշնակիցների հետ խորհրդակցությունից հետո»:
Վարչապետը նաև հերքել է լրատվամիջոցների ենթադրությունները, թե Իրաքում կտեղակայվեն ավստրալական ցամաքային ուժերի ստորաբաժանումներ:
«Ես նման հնարավորությունը բացառում եմ: Մեզանից ոչ ոք չի ցանկանում Միջին Արևելքում ներքաշվել ևս մեկ պատերազմի մեջ, բայց պետք է անել հնարավորը՝ կանխելու համար պոտենցիալ ցեղասպանությունը»,- նշել է նա:
