Այսօր` օգոստոսի 31-ին, տեղի են ունենում Իտալիայի Ա Սերիայի առաջին տուրի հանդիպումները: Խաղային օրվա առաջին խաղում «Միլան»-ը սեփական հարկի տակ ընդունել էր «Լացիո»-ին:
Խաղի հաշիվը շատ արագ բացվեց: 8-րդ րոպեին գոլի հեղինակ դարձավ Կեյսուկե Հոնդան: Հանդիպման 56-րդ րոպեին Սալի Մունտարին կրկնապատկեց «Միլան»-ի առավելությունը, իսկ 64-րդ րոպեին Մենեզը իր առաջին պաշտոնական գոլը խփեց «Միլան»-ի կազմում` հաշիվը դարձնելով 3:0 : «Լացիո»-ի ֆուտբոլիստները արագ կրճատեցին հաշվի տարբերությունը: 67-րդ րոպեին ինքնագոլի հեղինակ դարձավ Ալեքսը: Խաղի վերջին րոպեին «Լացիո»-ն ստացավ 11 մետրանոց հարվածի իրավունք, սակայն Կանդրեվայի հարվածը հետ մղեց «Միլան»-ի նոր դարպասապահն` Դիեգո Լոպեսը:
«Միլան»-«Լացիո»` 3:1
1:0 Հոնդա (8′), 2:0 Մունտարի (56’), 3:0 Մենեզ (64′), 3:1 Ալեքս (67′, ինքնագոլ)