Լոնդոնի «Չելսի»-ի գլխավոր մարզիչ Ժոզե Մոուրինյոն իր կարծիքն է հայտնել Անգլիայի Պրեմիեր Լիգայի երրորդ տուրի` «Էվերթոն»-ի դեմ հանդիպման մասին:
«Ֆուտբոլի հետաքրքրությունը գոլերի մեջ է: Այդ առումով այս խաղն անչափ դիտարժան էր: 9 գնդակը Անգլիայի Պրեմիեր Լիգայում կայացած հանդիպմանը, պարզապես, անհավանական ցուցանիշ է:
Երկու թիմերն էլ հիանալի խաղ ցուցադրեցին: Գիտեմ, որ «Էվերթոն»-ը հարձակման հզոր գիծ ունի: Այդ թիմին այնքան էլ հեշտ չէ դիմակայել: Այնուամենայնիվ, բաց թողնված երեք գոլը շատ է մեզ համար, քանի որ բոլորի դեպքում մենք սխալներ ենք թույլ տվել:
Անչափ ուրախ ենք` 3 միավոր վաստակելու համար: Սաներս գերազանց խաղացին: Կոստան իրացրեց 3 պահերից երկուսը: Սակայն ասեմ, որ այս հաղթանակները դեռ ոչինչ չեն նշանակում: Առջևում դեռ 35 տուր է սպասվում»,- BBC-ն մեջբերում է պորտուգալացի մասնագետի խոսքերը:
