«Մեր կազմակերպությունը պարբերաբար տեղեկատվության ազատության ոլորտի գնահատման գործընթաց է իրականացնում, որը դրսևորվում է հիմնականում բոլոր պետական գերատեսչություններին տեղեկատվական հարցումներ ուղարկելով և պատասխաններ ստանալով: Այս տարվա գարնանից օգտագործում ենք էլեկտրոնային համակարգը նաև, որն ավտոմատ կերպով վարկանիշը գրանցում է»,- «Առաջին լրատվական»-ի հետ զրույցում ասաց «Ինֆորմացիայի ազատության կենտրոն» ՀԿ ղեկավար Լիանա Դոյդոյանը:
Միևնույն ժամանակ մեր զրուցակիցն ընդգծեց, որ անցած տարվա սեպտեմբերի երեքից մինչ այսօր ոլորտում հստակ և ազդեցիկ փոփոխություն տեղի չի ունեցել: «Ոլորտում դրական տեղաշարժեր նկատվում են՝ հատկապես էլեկտրոնային տեղեկատվության տարածման առումով: Չենք կարող համեմատել 2004, 2010 թվականների հետ, այսօր դրական միտումներ ենք նկատում, և դա ամենևին կապ չունի Ռուսաստանի և Մաքսային միության հետ»,- ասաց Դոյդոյանը:
Հետաքրքրվեցինք՝ կիսո՞ւմ է այն տեսակետները, որ ԶԼՄ-ների ազատությունն այսօր կառավարվող ժողովրդավարության դրսևորում է իրականում, Լիանա Դոյդոյանն ասաց. «Զուտ իմ կարծիքով՝ որպես օնլայն լրատվամիջոցների փորձագետ և տեղյակ մարդ, ինտերնետը եղել է, կա և մնում է չվերահսկվող տարածք և տեղեկատվության լավագույն փոխանցման ու ձեռքբերման աղբյուր, որն ամբողջ աշխարհում, նաև Հայաստանում իր յուրահատուկ դրսևորումներն է ունենում»:
Ամբողջությամբ՝ մեր տեսանյութում: