Մի քանի օր առաջ տեղի ունեցավ MTV Video Music Awards-ի հերթական մրցանակաբաշխությունը: Այս անգամ գլխավոր մրցանակը բաժին հասավ Մայլի Սայրուսին, չնայած նա սկանդալային արարքներից զերծ է մնացել: Իսկ VMA-ի պատմության մեջ դրանք քիչ չէին:
http://youtu.be/2xM97AAP_Y8
Հիշեցնենք, որ անցած տարի աշխարհը ցնցվել էր Մայլի Սայրուսի թվերքից: Այդ օրը Մայլին մեկընդմիշտ զրկվեց դիսնեյյան արքայադստեր իր կերպարից:
Lady.ru-ն առաջարկում է այդպիսի ևս ինը դեպք վերհիշել, որոնցից միայն չորսը Բրիթնի Սփիրսին են վերաբերում:
http://youtu.be/sjfZ-YUicVE
2003թ. Մադոննան համբուրել է Բրիթնի Սփիրսին և Քրիստինա Ագիլերային: Բրիթնին և Քրիստինան հարսնացուների զգեստներով կատարել են Մադոննայի Like A Virgin երգը, երբ Մադոննան փեսացուի կերպարով հայտնվել է հսկայական տորթի միջից:
2009թ. Քանյե Ուեսթը փորձել է Թեյլոր Սվիֆտից խլել մրցանակը, որն այդ տարի արժանացել է «Լավագույն տեսահոլովակ» մրցանակին: «Բեյոնսեի տեսահոլովակը բոլոր ժամանակների լավագույնն է»,- բղավել է նա բարձրախոսի մեջ:
2010թ. Լեդի Գագան հայտնվել է մսից պատրաստված զգեստով, որը լրացրել է համահունչ գլխարկով և կոշիկներով:
1994թ. Մայքլ Ջեքսոնը համբուրվել է Լիզա Մարիա Փրեսլիի հետ, որը փորձել է ապացուցել, որ Լիզայի հետ նրա հարաբերությունները PR չէ: Սակայն, դժբախտաբար, այս համբույրը մրցանակաբաշխության պատմության մեջ ամենաանհարմար պահերից մեկն է դարձել և ավելի շատ կասկածներ է առաջացրել:
1999թ. Դայանա Ռոսսը քաշել է Լիլ Քիմի կուրծքը, որը հավանաբար սպասել է նման արձագանք, երբ մի կուրծքը բաց զգեստ է հագել: Սակայն նա չի էլ ենթադրել, որ դա կարող է անել հայտնի երգչուհին:
2001թ. Բրիթնի Սփիրսը պիթոն է բեմ հանել: Այդ տարի նա կտրուկ փոփոխել է իր երգացանկը՝ կատարելով Slave 4U ստեղծագործությունը, իսկ իր կերպարն ավելի համոզիչ դարձնելու համար բեմ է հանել կենդանի օձի, որի համար արժանացել է կենդանիների պաշտպանների քննադատություններին:
2007թ. Բրիթնին տապալել է Gimme More երգի կատարումը: Երբեմն բեմ վերադառնալը դժվար է լինում, հենց դա էլ պատահեց Բրիթնի Սփիրսի հետ 2007թ., երբ դեռ թարմ էին հիշողություններն այն մասին, թե ինչպես է նա սափրել գլուխը և անձրևանոցով ծեծել լուսանկարչին:
2002թ. Մայքլ Ջեքսոնը աննշան մրցանակ է ստանում: Խեղճը բոլորովին շփոթվում է, երբ նրան բեմ են հրավիրում ստանալու սեփական ծննդյան օրվա կապակցությամբ մրցանակը:
2009թ. Լեդի Գագան բեմում արյունահոսություն է կազմակերպել: Դաշնամուրով ոտքով նվագելուց հետո երգչուհու կրծքից արյուն է հոսել: