Հոլլի Բերիի ամուսինը՝ Օլիվյե Մարտինեսը, դադարել է նրան որպես տղամարդ դուր գալ, գրում է eg.ru-ն:
Նախկին «Միսս Ամերիկան» և «Բոնդի աղջիկներից» ամենագեղեցիկներից մեկը 48 տարեկանում հեշտությամբ է գրավում հանդիսատեսին: Դերասանուհին դարձել է վերջերս կայացած «Էմմի» մրցանակաբաշխության ամենաոճային աստղերից մեկը:
Elie Saab-ի զգեստը անթերի լրացրել է նրա գեղեցիկ իրանը: Հոլլին ժպտացել է, չնայած, լուրեր են պտտվում, որ նա այժմ շատ բարդ շրջան է ապրում: Նրա ամուսնությունը տապալման եզրին է:
Այն ժամանակ, երբ Հոլլիին անդադար դերեր են առաջարկում, ֆրանսիացու կարիերան անկում է ապրում: Նախկին Օլիվյեից ոչինչ չի մնացել: Եթե նախկինում նա նկարահանվում էր ֆրանսիական ամենահայտնի նորաձևության տների գովազդային արշավներում, ապա նախկին մանեկենը այժմ ավելորդ կիլոգրամներ է հավաքել: Նրանց շրջապատում խոսում են, որ ամուսնալուծությունը շատ մոտ է, իսկ նրանց համատեղ կյանքը չի փրկի նույնիսկ 10 ամսական Մաթեոն: