Արցախի պետական համալսրանաի դասախոս Ադելա Աբրահամյանը հանդես է եկել հայտարարությամբ, որում մասնավորապես ասվում է. «Գիտական կոչում և աստիճան չունեցող ԱրՊՀ-ի ռեկտոր Մանուշակ Մինասյանի կողմից կատարվող հանցագործությունները և անօրինական քայլերը սատարվում է ԼՂՀ իշխանությունների և պաշտպանվում ԼՂՀ իրավապահ ու դատական մարմինների կողմից:Կոնկրետ պաշտոնավարման առաջին ամսիներին կատարված յուրացումների մասին իմ իսկ կողմից, որպես ԱրՊՀ տնտեսական մասի վարիչ գրավոր տեղեկացրել եմ Ազգային անվտանգությանը, ԼՂՀ նախագահին, բանավոր` ԼՂՀ մի շարք պետական պաշտոնյաների և ԼՂՀ վարչապետին, որը ԱրՊՀ գիխորհրդի նախագահն է:
ԼՂՀ 1-ին ատյանի դատարանը անտեսելով ԱրՊՀ համապատասխան աշխատողների ցուցմունքները կատարված անօրինական քայլերի և յուրացումների մասին ևս սատարեց ռեկտոր Մանուշակ Մինասյանին: Իսկ ԼՂՀ վերաքննիչ դատարանը`(դատավորներ` Լ. Ավանեսյանը, Հ. Գրիգորյանը, Հ. Խաչատրյանը) ակնհայտորեն դատական նիստում հանդես եկան, որպես Մանուշակ Մինասյանին պաշտպանող փաստաբանական խումբ:
Ցանկացած ժողովրդավար երկրում նման պարագայում համապատասխան ատյանները պատասխանատվության կենթարկեն պաշտոնական դիրքը չարաշահող, ֆինանսական յուրացումներ կատարող պաշտոնյային: Իմ երկրում նման անձը հովանավորվում է բարձրաստիճան պաշտոնյաների կողմից, ոտնահարելով շարքային քաղաքացիների սահմանադրական իրավունքները:
Ի գիտություն Մանուշակ Մինասյանի և նրան հովանավորող իշխանավորներին ամենայն վճռականությամբ և պատասխանատվությամբ հայատարարում եմ. Դուք չեք տերը մեր երկրի, պատասխանատվության ժամը հեռու չէ:Յուրաքանչյուր հանցագործ և հանցախումբ իր պատասխանատվության պահը ունի,ինչին մենք ականատես եղանք մեր նորաստեղծ 23-ամյա Հանրապետության պատմության տարբեր ժամանակահատվածներում:
Հանուն արդարության և մեր երկրի անվտանգության պայքարելու եմ իմ Հայրենիքը ուժեղ, հզոր, ժողովրդավար տեսնելու ակնկալիքով:
Սիրելի հայրենակիցներ, շնորհավոր գալիք ՄԵՐ ԱՆԿԱԽՈՒԹՅԱՆ 23-ամյակը: