«Աստղային պատերազմներ» ֆիլմի նկարահանումները վերսկսվել են Pinewood Studios ստուդիաներում՝ հաղորդում է The Hollywood Reporter-ը: Այս տեղեկությունը ամսագրին հաղորդել է անանուն աղբյուրը:
Աղբյուրի հաղորդմամբ՝ ֆանտաստիկ սագայի շարունակության նկարահանումը դադարեցվել է դերասան Հարիսոն Ֆորդի վնասվածքի պատճառով: Աշխատանքները վերսկսվել են այս շաբաթ:
Ավելի վաղ հաղորդվում էր, որ Ֆորդը նկարահանման հրապարակում կոտրել է ոտքը: Հետագայում դերասանին վիրահատել են: Ինչպես նշում են Disney և Lucasfilm ընկերությունները՝ Ֆորդի վնասվածքն ու նկարահանման պարտադիր դադարը չեն փոխի ֆիլմի պրեմիերայի ժամկետները: Ֆիլմը մեծ էկրան կբարձրանա 2015 թ. դեկտեմբերի 18-ին:
Յոթերորդ մասի սյուժեն գաղտնի է պահվում, բայց դրա հատվածներն արդեն հայտնվել են համացանցում:
