Հորդանանի Arab Bank-ին՝ Մերձավոր Արևելքի խոշորագույն ֆինանսական հաստատություններից մեկին, մեղադրել են ՀԱՄԱՍ խմբավորմանը ֆինանսավորելու, այդ թվում՝ 2000 և 2001 թթ. շարժման առաջնորդների հաշիվներին 4 մլն դոլար փոխանցելու համար: Այս մասին հայտնում է Bloomberg-ը:
Մեղադրանքները հնչել են Նյու Յորքում Arab Bank-ի գործով լսումների ժամանակ: Իսրայելում ահաբեկչություններից տուժած ԱՄՆ մոտ 300 քաղաքացի բանկին մեղադրում է ահաբեկչությանն աջակցելու և 2001-2004 թթ. Իսրայելում 21 ահաբեկչությունների կազմակերպմանը մասնակցելու համար:
