Ճապոնացի հայտնի անիմատոր Հայաո Միյաձակին կարժանանա պատվավոր «Օսկարի» կինեմատրոգրաֆում ակնառու ավանդի համար, հայտարարել է Կինոարվեստի ամերիկյան ակադեմիան:
Միյաձակիի հետ այդ հեղինակավոր մրցանակի դափնեկիր են դարձել ֆրանսիացի ռեժիսոր Ժան-Կլոդ Կարիերն ու իռլանդացի դերասանուհի Մորին Օ Հարան: Մրցանակի շնորհման արարողությունը՝ հատուկ ոսկե արձանիկների շնորհումը, տեղի կունենա Լոս Անջելեսում նոյեմբերի 8-ին:
Հայաո Միյաձակին կդառնա «Օսկարի» արժանացած երկրորդ ճապոնացի դափնեկիրը ռեժիսոր Ակիրա Կուրոսավայից հետո, որը համապատասխան մրցանակի էր արժանացել 1990-ին:
Միյաձակիի վերջին՝ «Քամին ուժեղացնում է» ֆիլմը, Օսկարի էր առաջադրվել 2013-ին «Լավագույն մուլտիպլիկացիոն լիամետրաժ ֆիլմ» անվանակարգում: Ժապավենի դուրս գալուց հետո մուլտիպլիկատորը հայտարարել էր անիմացիայում իր կարիերան ավարտելու մասին:
