Նիքոլ Քիդմանը դարձել է The Edit ամսագրի թարմ համարի հերոսուհին և պարբերականին պատմել ցավի, լավատեսության, ամուսնու՝ Կիտ Ուրբանի և դեպի երջնակություն տանող ճաապարհի մասին, գրում է Spletnik.ru-ն:
Նիքոլը պատմել է, որ դեռ մանկուց նրա ճակատագիրը դերասանուհի դառնալն է եղել: Նրա խոսքերով՝ փոքր հասակում նրա զգացմունքները չափազանց սրված են եղել:
Արդյունքում, Քիդմանի խաղացանկը հարուստ է զգացմունքայնորեն հագեցած կերպարներով: 2003-ին գրող Վիրջինիա Վուլֆի կերպարը խաղալու համար նա «Օսկարի» է արժանացել, իսկ ահա նրա խաղացած Գրեյս Քելլի կերպարը բավականին սառն է ընդունվել:
Քիդմանի խոսքերով՝ նրան դուր է գալիս ինքն իրեն մարտահրավերներ նետելը:
Վերջին շրջանում դերասանուհին նախընտրում է ժամանակը ընտանիքի հետ անցկացնել, իսկ նկարահանումների մեկնում է ընտանիքի հետ միասին: Նա խոստովանում է, որ հարազատներից բաժանվելիս ցավ է զգում:
Սակայն նա հասկանում է, որ զոհաբերում է իր կարիերան: «Եթե դու դերասանուհի ես և հարաբերությունների մեջ ես և հղի, ապա դա մեծ ջանքեր է պահանջում: Երբ արդեն ընտանիք ունես, արվեստը տուժում է: Սակայն ես միշտ ընտանիքն եմ գնահատում: Ես արժանացել եմ ամենահեղինակային մրցանակների, սակայն միայնության մեջ դրանք չեն ուրախացնում»:
Այս տարի ամուսնության տարելիցի կապացությամբ Կիտ Ուրբանը համերգով հանդես է եկել Ավստրալիայում և իր կնոջը երգ է նվիրել:
Նույնիսկ ընկերուհիներն են նախանձում նրանց երանկությանը, սակայն նա երբեք չի մոռանում, որ «եղել է դժոխքում և վերադարձել է»: Հավանաբար նա նկատի ունի Թոմ Քրուզի հետ 11-ամյա ամուսնությունը:
«Այժմ ես սովորել են թողնել և հեռանալ: Հնարավոր է, ձեզ մոտ վատ օրեր են լինում, սակայն կյանքը բազմազան է: Ես նախընտրում եմ զգալ և իմանալ»,- կիսվում է դերասանուհին: