Պաղեստինյան ՀԱՄԱՍ խմբավորման պարագլուխ Խալեդ Մեշաալը, որն ապրում է արտաքսման մեջ Կատարում, հայտարարել է, թե իր զինակիցները երբեք չեն ընդունի Իսրայելի՝ զինաթափման մասին պայմանները, հաղորդում է BBC-ի ռուսական ծառայությունը։
«Մեր դիմադրության զենքը սուրբ է, և մենք երբեք չեն քննարկի զինաթափումը։ Մեր թշնամին հասկանում է միայն կրակի ուժը, և հատկապես մեր հրթիռները նրանց ստիպեցին բանակցություններ սկսել մեզ հետ»,- հայտնել է Մեշաալը։
Մինչդեռ Իսրայելը Գազայում անժամկետ զինադադարը համարում է իր հաղթանակը։
Զինադադարը ուժի մեջ է մտել օգոստոսի 26-ին, դիմակայության վեց շաբաթներից հետո։ Հակամարտության ընթացքում զոհվել է 2200 մարդ, որոնց մեծամասնությունը պաղեստինցիներ են։