Ուկրաինան ռազմական դրություն չի մտցնի երկրի արևելյան շրջանի իրավիճակի պատճառով։ Այդ մասին հաղորդում է RIA Novosti-ն՝ հղում անելով Ուկրաինայի Ազգային անվտանգության և պաշտպանության խորհրդի (ԱԱՊԽ) խոսնակ Անդրեյ Լիսենկոյին։
Ռազմական դրության ընդունման աննպատակահարմարության մասին որոշումը ԱԱՊԽ-ն ընդունել է օգոստոսի 28-ի արտակարգ նիստում։
Ավելի վաղ հաղորդվել էր, որ ռազմական դրություն մտցնելը ինքնաբերաբար կարող է բացառել արտահերթ ընտրությունների անցկացումը։
Ուկրաինայի արտահերթ խորհրդարանական ընտրությունները նշանակված են հոկտեմբերի 26-ին։
