Հիշողությունը, ինչպես հայտնի է, հաստատուն մեծություն է։ Ընդամենը մի անհաջող փորձը կարող է մարդուն ստիպել ընդմիշտ հրաժարվել երբեմնի սիրելի սրճարաններից կամ հանգստյան վայրերից։ Սակայն մկների վրա կատարված փորձերը ցույց են տվել, որ բացասական ասոցիացիաները նույնպես կարելի է «փոխել», գրում է vesti.ru-ն։
Որոշակի վայրի մասին հիշողության ձևավորման ժամանակ տեղանքի մանրամասները և դրա հետ կապված էմոցիաները «գրանցվում» են ուղեղի տարբեր կենտրոններում։ Տեղանքի մասին հիշողությունը ձևավորվում է հիպոկամպում այն դեպքում, երբ դրական կամ բացասական էմոցիաները կոդավորվում են նշաձև մարմնում։
2012 թ. Մասաչուսեթսի տեխնոլոգիական ինստիտուտի խումբը՝ Սուսումո Տոնեգավայի ղեկավարությամբ, վախ է առաջացրել մկների մոտ՝ ազդելով հիշողության այն հատվածի վրա, որը պատասխանատու է գտնվելու վայրի համար։ Բայց կենդանիներն այդ ժամանակ գտնվում էին բոլորովին ուրիշ վայրում՝ ոչ այնտեղ, որտեղ ի սկզբանե նրանք բացասական փորձ էին ստացել։
Այդպես էլ մարդը չի ցանկանում վերադառնալ այն վայրերը, որտեղ բացասական էմոցիաներ է ունեցել։
«Էմոցիաները սերտորեն կապված են անցած իրադարձությունների հիշողության հետ,- պատմում է Տոնեգավան։- Բայցևայնպես, հիշողությունների էմոցիոնալ արժեքը փոփոխական է»։