Ռուսաստանի նախագահ Վլադիմիր Պուտինի գործունեությանը հավանություն տալու վարկանիշը տարվա սկզբից ի վեր առաջին անգամ նվազել է: Այս մասին հայտնում է Lenta.ru-ն՝ հղում անելով «Լևադա-ցենտր»-ի հարցման արդյունքներին:
Օգոստոսի 22-25-ն անցկացված հետազոտության տվյալներով՝ երկրի ղեկավարի աշխատանքին հավանություն է տալիս ռուսների 84%-ը: Օգոստոսի 1-4-ն անցկացված հարցման արդյունքների համեմատությամբ՝ նախագահին աջակցությունը նվազել է 3 %-ով (այն ժամանակ ցուցանիշը ռեկորդային էր՝ 87%): Միաժամանակ, Պուտինի գործունեությունից դժգոհ ռուսների թիվն աճել է 2%-ով՝ մինչև 15%:
Նոր հարցմանը մասնակցել է 18 տարեկանից բարձր 1600 մարդ երկրի 46 շրջանից: Վիճակագրական սխալը չի գերազանցում 3,4%-ը:
Պուտինի վարկանիշը կտրուկ աճել է 2014 թ. սկզբից: «Լևադա-ցենտր»-ի տվյալներով՝ հունվարին նրան աջակցել է քաղաքացիների 65%-ը: