Ջոն Լենոնին սպանած Մարկ Դևիդ Չեփմենը մինչ օրս Beatles խմբի երկրպագուներից անեծքներով լի նամակներ է ստանում: Այս մասին նա հայտնել է հատուկ հանձնաժողովին, որն անցած ուրբաթ նրան 8-րդ անգամ մերժել է վաղաժամկետ ազատ արձակել:
Օգոստոսի 27-ին գաղտազերծվել են հանձնաժողովի անդամներին Չեփմենի տված պատասխանները: Համաձայն այդ փաստաթղթի՝ տղամարդը խոստովանել է, որ իր հանցագործությամբ վիշտ է պատճառել շատերին: Նրա խոսքով՝ ինքը հասկանում է իր խնդրանքի հերթական մերժման պատճառը:
«Ես շատ եմ զղջում, որ մարդկանց ցավ եմ պատճառել,- ասել է նա:- Զղջում եմ, որ այդքան հիմար էի, ու ընտրել եմ փառք տանող սխալ ճանապարհ: Լենոնին սիրում էին բազմաթիվ մարդիկ: Նա մեծ, տաղանդավոր մարդ էր, ու այդ մարդիկ մինչ օրս տառապում են: Ես նրանցից նամակներ եմ ստանում»,- ասել է նա:
Ինչպես հայտնում է New York Daily News-ը, հանձնաժողովի անդամները կարծում են, որ Լենոնի սպանողին հարկավոր չէ ազատ արձակել, քանի որ նա նախկինի պես սպառնալիք է շրջապատողների համար և կարող է նոր հանցագործություններ կատարել:
Այդկերպ, 59-ամյա Չեփմենը կշարունակի իր ցմահ բանտարկությունը Նյու Յորքի խիստ ռեժիմի բանտում:
Նա նորից համաներման հայց կարող է ուղղել 2 տարի անց: