Կիևի կենտրոնում ցուցարարները հայտարարել են Մայդան-3-ի սկզբի մասին, օգոստոսի 28-ին հայտնում է ՈՒՆՆ-ը: Ուկրաինայի զինված ուժերի գլխավոր շտաբի մոտ հավաքվածները պահանջել են երկրի նախագահ Պյոտր Պորոշենկոյի իմփիչմենթը: Ակտիվիստները նաև արտահայտվել են երկրի արևելքում հակաահաբեկչական գործողության բոլոր ղեկավարներին փոխելու օգտին:
Օգոստոսի 27-ին ակտիվիստները հավաքվել են նախագահականի մոտ: Ցուցարարները դժգոհություն են հայտնել Իլովայսկում ուկրաինացի ուժայինների ամրապնդման բացակայությունից: Զինծառայողներն անջատողականների շրջափակման մեջ են:
Մայդանն առաջին անգամ ժողովրդական ելույթների կենտրոն է դարձել 2004թ. «նարնջագույն հեղափոխության» ժամանակ, երբ հայտարարվել է նախագահական ընտրություններում Վիկտոր Յանուկովիչի հաղթանակի մասին: Այն ժամանակ բողոքներից հետո երկրի ղեկավարությունը չեղյալ հայտարարեց քվեարկության արդյունքները և որոշեց երրորդ փուլ անցկացնել, որի արդյունքում հաղթանակ տարավ Վիկտոր Յուշչենկոն:
2013-ին Մայդանում հուզումները սկսվեցին նոյեմբերի 21-ին, երբ երկրի իշխանությունները հրաժարվեցին պատրաստվել ԵՄ-ի հետ ասոցացման մասին համաձայնագիրը ստորագրելուն: Բախումներից հետո Ուկրաինայի նախագահի պաշտոնում Վիկտոր Յանուկովիչին արտահերթ ընտրությունների արդյունքում փոխարինեց Պյոտր Պորոշենկոն:
