Արգենտինայում արհմիությունները 24-ժամյա գործադուլ են անում, որը սպառնում է խախտել կյանքի նորմալ ռիթմը երկրում:
Բողոքի ակցիայի մասշտաբները դժվար է գուշակել, քանի որ արհմիությունների մի մասը որոշել է չմասնակցել գործադուլին:
Սակայն արդեն միանգամայն պարզ է, որ այն երկրի բնակիչներին քիչ անհանգստություններ չի պատճառի: Կփակվեն բանկերը, բենզալցակայանները, փոստային բաժանմունքներն ու հասարակական սննդի օբյեկտները:
Արգենտինացիների մեծ մասը ամենայն հավանականությամբ կմնա առանց առավոտյան թերթերի: Դադարեցվել է աղբահանությունը, որոշ դպրոցներում կասեցվել են դասերը:
Հասարակական տրանսպորտն ու տաքսիները աշխատելու են, սակայն ցուցարարները սպառնում են փակել կենտրոնական փողոցները, ինչը կարող է քաոսի վերածել երթևեկությունը:
Արհմիությունները ճնշում են գործադրում կառավարության վրա, որը, նրանց կարծիքով, շատ քիչ բան է անում ծանր տնտեսական իրադրության մեջ աշխատողների վիճակը թեթևացնելու ուղղությամբ:
