Dropbox ամպային ծառայությունը զգալիորեն նվազեցրել է տվյալների պահպանության համար տարածության գները և ավելացրել վճարի դիմաց տրամադրվող պահեստավորման առավելագույն չափը՝ ընթացիկ 500 գիգաբայթից մինչև 1 տերաբայթ:
Այսպիսով, Dropbox-ի գները դադարել են զգալիորեն գերազանցել Google Drive-ի և Microsoft OneDrive-ի գներին, հայտնում է hitech.vesti.ru-ն:
Dropbox-ը 1 տերաբայթանոց պահոցի հասանելիությունը հիմա առաջարկում է ամսական 10 դոլարով (կամ 100 դոլար 1 տարվա համար): Ավելի վաղ այդ գումարի դիմաց ընկերությունն առաջարկում էր 10 անգամ քիչ՝ 100 գիգաբայթանոց պահոց:
Բացի գները նվազեցնելուց՝ Dropbox-ը լավացրել է համատեղ հասանելիության կառավարումը. գաղտնաբառերով հասանելիության մեխանիզմ են մշակել, ներմուծել են միայն կարդալու համար հասանելիության հնարավորություն, ներկայացրել են հղումներ ակտիվության սահմանափակ ժամկետով:
Dropbox-ի օգտատերերի ընթացիկ վճարովի պահոցները մինչև նոր ծավալը ավտոմատ կերպով կմեծանան մոտ ժամանակներս: