Thursday, 28 03 2024
«Աշխարհին նոր բազմակողմանի առևտրային համակարգ է անհրաժեշտ». Տոկաև
Գազայում սովը կարող է դիտվել որպես պատերազմի հանցագործություն. ՄԱԿ-ի Մարդու իրավունքների գերագույն հանձնակատար
18:10
«Գերմանիայի հատուկ ծառայությունները չեն իմացել Մերձմոսկվայում նախապատրաստվող ահաբեկչության մասին». Շոլց
18:09
ԱՄՆ-ն 228 մլն դոլար է հատկացրել Բալթյան երկրներին 2024 թ. պաշտպանության համար
Հայկ Մարությանն առաջիկայում կուսակցություն կհիմնի
Ղրղզստանի մայրաքաղաքում ավազամրրիկից շենքեր և ավտոմեքենաներ են վնասվել
18:06
Ֆրանսիայում դադարեցվել է գնացքների երթևեկությունը «Նելսոն» փոթորկի պատճառով
«Սիրիայում, Լիբիայում, Ղարաբաղում կամ այլ տեղ բախվում էինք գլոբալ դաշինքի հակազդեցությանը». Էրդողան
Լրատվական-վերլուծական երեկոյան թողարկում
Վանաձորում հղի կնոջ մահվան համար մեղադրանք է առաջադրվել 3 բժշկի
18:01
Նվիրված ու պրոֆեսիոնալ թիմ, ճկուն աշխատելաոճ և գործունեության թափանցիկություն. սա է Հայէկոնոմբանկի հաջողության բանաձևը. Արտակ Առաքելյան
Ալի Նաղիեւը ԵՄ դիտորդական առաքելությունը համարում է «ահաբեկչական»
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը
17:50
Քլինթոնը լոբբինգ է արել Կրասիկովի հետ Նավալնիի փոխանակման համար
Վրաստանի լեռնադահուկային հանգստավայրում ձնահյուսի պատճառով կա անհետ կորած
17:30
Սեուլում ավտոբուսների վարորդները գործադուլ են հայտարարել
17:20
Բուլղարիայում տեղի կունենան արտահերթ խորհրդարանական ընտրություններ
Եվրանեսթում մենք կողմ ենք քվեարկել մեր ընդդիմադիրների առաջարկին, իրենք մերին`ոչ.շատ բան չփոխվեց
Բաքվի վարքագիծն անընդունելի է. Բաքոյանը՝ ԼՂ-ի նախկին ղեկավարներից հարցազրույցներ վերցնելու մասին
Իսրայելը հայտնել է Լիբանանից հրթիռների արձակման մասին
17:00
Live. «Առաջին լրատվական» տեղեկատվական-վերլուծական կենտրոն
Վրաստանը մտադիր է երկու տարվա ընթացքում 3,7 մլրդ լարի ծախսել կլիմայի փոփոխության դեմ պայքարի համար
ԵԱՏՄ-ից դուրս գալու հարց Հայաստանը չի քննարկում. ՔՊ պատգամավոր
Օր առաջ հայտարարել ռուսական ռազմակայանը ՀՀ-ից հանելու մասին. Հայկ Միրզոյան
Անհապաղ դո՛ւրս գալ ՀԱՊԿ-ից և ԵԱՏՄ-ից. Ժողովրդավարական հասարակական-քաղաքական ուժերի հայտարարությունը
«Հայ-վրացական հարաբերությունները ռազմավարական մակարդակի են». Ռուբինյան
«Եվրամիությունը հիասթափեցրել է Վրաստանին». Պապուաշվիլի
Մենք Հայաստանին օգնելու պարտականություն ունենք ագրեսորի դեմ պայքարում․ Անն-Լորանս Պետելի հարցազրույցը
Բաքուն «ջրային ագրեսիա» է նախապատրաստում
Ղրղզստանը հայտնել է ՌԴ-ում ահաբեկչություններին մասնակցելու համար երկրի քաղաքացիներին հավաքագրելու փորձերի մասին

Սահմանային վերջին դեպքերից հետո օլիգարխները պետք է սովորեն կիսվել և զուսպ ապրել

«Առաջին լրատվական»-ի Realpolitik հաղորդաշարի հյուրն է ՀՀԿ փոխնախագահ Ռազմիկ Զոհրաբյանը:

 –Պարոն Զոհրաբյան, սահմանային վերջին լարված իրադարձությունները չէին կարող իրենց ուղղակի և անուղղակի ազդեցությունը չթողնել նաև քաղաքական առաջնահերթությունների վրա: Ձեր ընդդիմախոսները՝ ոչ իշխանական ուժերը, շարունակում են պնդել, որ իրենց համար օրակարգային են շարունակում մնալ պահանջների 12 կետերը, և որպես գործողություն՝ հանրահավաքները նորից բերվել են հրապարակ: Ի՞նչ եք մտածում դրա մասին: Բոլորը կենտրոնացել էին դրա վրա, տպավորություն կար, որ երկրի թե՛ ընդդիմադիր, թե՛ իշխանական ողջ համակարգի համար առաջնահերթություններ են փոխվում:

-Իսկապես, այս վերջին իրադարձություններին սահմանում, պատերազմական իրավիճակին ընդդիմություն էլ արձագանքեց, այցելեցին սահմանային գոտի, մասնակի մասնակցեցին: Բայց օրակարգից չեն հանում այն խնդիրները, որ առաջադրել էին: 12 կետերը կարծես նման են նրան, որ թեժ աշուն որակում են, կարող են գնալ հանրահավաքների: Քավ լիցի, պետությունը ուժեղ է ոչ միայն ընդդիմությունով, նաև իր հասարակությունով և իր բոլոր անդամներով, և դիմակայություն միշտ էլ լինելու է: Պարզապես այդ հանրահավաքները պետք է լինեն օրենքի սահմաններում: Մենք ունենք ընդունված օրենքներ հանրահավաքների, երթերի մասին, և թող գործեն դրա սահմաններում, այլ ոչ թե տանեն ապակայունացման, որը ակնհայտ կդարձնի հակառակորդի համար, որ մեզ մոտ կա ապակայուն իրավիճակ, և նրանք կարող են սահմանում ինչ-որ խնդիրներ լուծել, և, ինչու չէ, Ալիևի մշտական հայտարարությունները. «Մենք բլից պատերազմ կմտնենք և կփորձենք տարածքները, որոնք ազատագրել կամ գրավել եք, հետ վերցնել»:

Այս պայմաններում չեմ ենթադրում, որ ընդդիմությունը պետք է սուսուփուս նստի և չմասնակցի իշխանության ծրագրի իրականացման քննադատությանը, բայց կրկնում եմ՝ օրենքի սահմաններում: Դրանից դուրս մենք հիշում ենք մարտի 1-ը, երբ հասարակական կարգը խախտելով՝ մարդկային զոհեր եղան, և նորից չբերենք հասնենք դրան՝ քաղաքացիական պատերազմի, որովհետև մենք ունենք մեկ պատերազմ, դա հակառակորդի հետ սահմանին պատերազմն է, և այլ պատերազմներ Հայաստանին պետք չեն:

-Պարոն Զոհրաբյան, ըստ էության, առաջնահերթությունները փոխելու հարց իշխանությունն իր առջև դրել է: Այսօր սահմանային լարումից հետո, այդ լարված իրավիճակից հետո կառավարությունը ևս իշխող կուսակցության առաջարկությամբ նաև օրենսդրական փոխոխություններ է առաջարկում և ընդհանրապես բոլորովին նոր կարգ սահմանել այդ բնակավայրերի հետ կապված, նաև սահմանելուէ, թե որ գյուղերն ու բնակավայրերն են համարվում սահմանամերձ: Այս աշխատանքների մեջ ինչպե՞ս եք տեսնում ընդդիմության ներգրավվածությունը, և արդյոք փորձ արվե՞լ է նույն ընդդիմադիրների հետ խոսել և առնվազն հետաձգել այն պահանջները, որոնք այսօր չեն բխում ներկա իրավիճակից, որովհետև մի քանի օր առաջ Սերժ Սարգսյանը ասում էր, որ ոչինչ չի փոխվել Ղարաբաղյան կարգավորման գործընթացում:

-Բնականաբար, սահմանամերձ համայնքներում նորովի մոտեցումներ են պետք: Իհարկե, կար, արվում էր, բայց դա բավարար չէր: Սահմանամերձ գոտու բնակիչները առաջին գծի ապրողներն են և հարվածը իրենց վրա է:

Կան պետություններ, որոնք անընդհատ պատերազմական վիճակի մեջ են, մեզ նման փոքր պատերազմների, իրենց սահմանամերձ գոտիների բնակչությունը, կարելի է ասել, բանակի նման է, այսինքն՝ և՛ զենք ունեն, և՛ ապահովված են ամեն ինչով:Մեզ մոտ սահմանամերձ գյուղերի բնակիչները նույնպես պատրաստ են, բայց դիվերսիոն այս հարձակումներից հետո լուրջ մոտեցում է պետք և լուրջ փոփոխություններ: Ճիշտ է, մենք ասում ենք, որ 7 միլիոն ենք, բայց մենք այս երեք միլիոնով ենք դիմակայելու այդ հարձակումներին: Սա է: Կա բանակ, կա ազգաբնակչություն: Ընդդիմությունը կազմում է այդ ազգաբնակչության մի մասը և պարտավոր է, որպես պետականամետ մտածող, զիջել:

Պատկերացրեք՝ նույն այդ ընդդիմության ուժերը գալիս են իշխանության, չէ՞ որ այդ նույն խնդիրը իրենց առջև էլէ լինելու: Այսինքն՝ պետք է պետական մտածելակերպ ունենալ և ինչ-որ ձևով զիջումների գնալ: Առանց այն էլ Ադրբեջանը անընդհատ սրում է, սպասում է, որ այստեղ ներքին պառակտումներ լինեն, խնդիրներ առաջանան: Կառավարությունը ներքին կարգով աշխատում է և զրուցում այն ուժերի հետ, որոնք այսօր եղանակ են ստեղծում ընդդիմության մեջ: Կարծում եմ՝ այն պահվածքը, որ սահմանին լարված օրերին ընդդիմությունը ցուցաբերեց, խոսում է այն մասին, որ կա գիտակցում, և կարելի է գտնել ոսկե միջինը:

Այսինքն՝ դուք կարծում եք, որ ընդդիմությանը ամեն անգամ հաջողվում է, փաստորեն, հանրահավաքներ կազմակերպելու նույնիսկ հեռանկարով իշխանություններին զսպել և հերթական զիջումը կորզել:

-Ես կարծում եմ, որ ցանկացած ժողովրդավարական երկրում պետք է լինի ընդդիմություն: Եվ եթե չկա ընդդիմություն կամ թույլ ընդդիմություն է, իշխանությունը կարծես թե հավասարակշռությունը կորցնում է: Պետք է քննադատող, ասել է թե՝ զսպող ուժ լինի, բայց այն ժամանակ, երբ վիճակը խաղաղ է: Բայց նման իրավիճակներում ընդդիմությունը պետք է գիտակցի, որ գուցե դա արվի խաղի ձևով, եթե հայրենիքը պահանջում է, որ պետք է միասնական լինել: Իրականում, ինչպես նախագահը Ծաղկաձորում վերջերս ասաց, դեռ չի վերացել վտանգը, որովհետև Սոչիում այդ հանդիպումից հետո լարվածության թուլացումը սահմանին ժամանակավոր հանդարտեցում է:

Ադրբեջանը իր հույսը դնում է իր մեծ տեխնիկայի վրա, մեծ եղբոր՝ Թուրքիայի վրա, և դրա համար մենք պետք է վերադասավորվենք: Ոչ միայն բանակի մասին է խոսքը, սահմանամերձ գոտիների, այլ նաև հասարակական-քաղաքական ուժերի մասին է: Մենք պետք է միասնական կոնցեպցիա առաջարկենք, թե ինչ է հայությանը պետք:

Ի վերջո, եթե մենք չորս կողմը նայենք, մենք Թուրքիայի նման մեծ եղբայր չունենք, ինչպես Ադրբեջանը, այլ մենք ինքներս ենք: Ճիշտ է, Ռուսաստանն է մեր դաշնակիցը, բայց միևնույն է՝ մենք մենակ ենք: Չկա մի երկրորդ հայկական պետություն, որ մեզ լինի դաշնակից և նվիրված գա-մասնակցի մեր ընդհանուր խնդիրներին: Ճակատագիրը կարծես թե ստեղծում է երկրորդ պետություն. դա Ղարաբաղն է, որ դեռևս դե ֆակտո անկախ, բայց չճանաչվածէ իրավական առումով, և կարծում եմ, որ դա լինելու է երկրորդ հայկական պետություն:

Ալիևն ասումէ՝իրենք թույլ չեն տա երկրորդ հայկական պետություն, իսկ աշխարհն ինչպե՞ս է թույլ տվել հինգ-վեց թուրքական պետություն, արաբական տասնյակ պետություններ: Այսինքն՝ ինչո՞ւ չպետք է հայկական երկրորդ պետություն լինի, ինքնորոշման իրավունքը իրացվում է, ևՂարաբաղը դառնում է երկրորդ պետություն:

Թիկունքի ամրացման մասին բավական խոսվում է նաև այն տեսանկյունից, որ հենց իշխանությունները, կառավարությունն ինքը պետք է ավելի զուսպ կարողանա ապրել, մեր օլիգարխները, հատկապես իշխող կուսակցությանը հարող կամ անդամ շատ անհատներ պետք է ավելի զուսպ ապրեն և դրանով նպաստեն թիկունքի ամրացմանը: Դուք՝ որպես իշխող կուսակցության ներկայացուցիչ, պահանջում եք հասարակությունից, քաղաքական կուսակցություններից, ընդդիմությունից, որ պետք է այս նոր իրավիճակին համարժեք կարողանանք մեր կյանքը կազմակերպել: Իսկ ի՞նչ են անելու իշխող օլիգարխները, այն մարդիկ, ովքեր հարստություն ունեն, և այդ հարստությունը որևէ ձևով չեն ուզում զսպել:

-Համաձայն եմ, որ իսկապես պետք է զուսպ ապրել: Խոսքը մեծահարուստների մասին է, և պետք է օրինակ ցույց տալ, բարեգործություններ անել: Այսօր կառավարությունը, վարչապետը առաջարկում է ստվերից դուրս գալ և բյուջե մուծել այդ գումարները, որպեսզի նաև շարքային քաղաքացին կարողանա օգտվել այդ սոցիալական միջոցառումներից: Բայց ինչքան էլ փորձենք, միևնույն է՝ աշխարհում կա շահերի առաջնություն, և շատ մարդիկ չեն ուզում դուրս գալ, զսպել իրենց:

Մենք ասում ենք՝ չափերի մեջ, ո՛չ հասարակության հաշվին: Եթե այդ ստվերից վճարվի և լցվի բյուջե, մեր հնարավորությունները կմեծանան: Ի վերջո, եթե չկա Հայաստան պետություն, չկա և նորմալ կյանք: Դրա համար օլիգարխները նույնպես պետք է իրենց ներդրումն անեն:

 

Հարցազրույցն ամբողջությամբ՝ տեսանյութում:

Բաժիններ
Ուղիղ
Լրահոս
Որոնում