Չինաստանի Նանկին քաղաքում ավարտվեց պատանեկան Օլիմպիական խաղերը: Օլիմպիադայում Հայաստանն ունեցավ 7 մեդալ:
Մեր մարզիկները նվաճեցին 2 ոսկե, 2 արծաթե եւ 3 բրոնզե մեդալ: Ծանրամարտի մրցաշարում ոսկե մեդալների արժանացան 77 կգ քաշային Հակոբ Մկրտչյանը եւ +85 կգ քաշային կարգում հանդես եկած Սիմոն Մարտիրոսյանը: Հրաձիգ Հրաչյա Բաբայանը եւ հունահռոմեական ոճի ըմբիշ Զավեն Միքայելյանը նվաճեցին արծաթե մեդալներ, իսկ 81 կգ քաշային բռնցքամարտիկ Նարեկ Մանասյանը եւ ազատ ոճի ըմբիշներ Սարգիս Հովսեփյանը (76 կգ) ու Վաղինակ Մաթեւոսյանը (76 կգ) նվաճեցին բրոնզե մեդալներ:
Այսպիսով պատանեկան երկրորդ Օլիմպիական խաղերում Հայաստանը Սլովենիայի հետ կիսեց 29-30 տեղերը: Թիմային հաշվարկում առաջին հորիզոնականը զբաղեցրել է Չինաստանը (65 մեդալ), երկրորդ տեղում է Ռուսաստանը (57 մեդալ), իսկ երրորդ հորիզոնականում ԱՄՆ-ը (22 մեդալ):