ՀՀ կրթության և գիտության նախարար Արմեն Աշոտյանը այսօր հանրապետության ավագ դպրոցների մանկավարժների օգոստոսյան խորհրդակցությանը նշել է, որ հանրության մեջ դեռևս ամբողջությամբ չի բավարարվել ավագ դպրոցների հանդեպ հանրային ակնկալիքը:
Նախարարը նշեց, որ ինքը միանշանակ պատասխան չի տալիս հարցին՝ կայացե՞լ են արդյոք ավագ դպրոցները Հայաստանում, թե՞ ոչ, քանի որ ավագ դպրոցների շարքում ունենք արդեն կայացած ավագ դպրոցներ, որոնք հասկանում են՝ ինչի համար են իրենք նման կարգավիճակ ստացել, կան նաև ավագ դպրոցներ, որոնք հեռու են իրենց ուսումնառության կազմակերպման որակով, կրթության որակով, օրինականության և արդարության պահպանման այն սկզբունքներով, որոնք դրվել են ավագ դպրոցների հիմքում:
Այնուամենայնիվ, ըստ նախարարի, միանշանակ է, որ դպրոցի այս տեսակը հարկավոր էր, և ճիշտ որոշում էր 2008-ին այս համակարգի ներդրմանն անցնելը:
Նրա խոսքով՝ ՀՀ-ում 12-ամյա կրթությունն այլընտրանք չունի:
«Ճանապարհը ճիշտ է ընտրված, սակայն այն տեմպը, այն արագությունը, որ անցնում ենք, ինձ չի բավարարում: Ոչ միայն ինձ, այլ նաև հանրությանը»,- նկատեց նախարարը:
Նա նաև նշեց, որ այն տնօրենները, ովքեր տարին պարտքով կփակեն, այլևս չեն աշխատի տնօրեն, իսկ հիմնավորումներն իրենց չեն հետաքրքրում: Եթե կա ահազանգ, հիմա արդեն տնօրենները պետք է արձագանքեն: «Դեկտեմբերի 25-ին ես չտեսնեմ, որ կա աշխատավարձի պարտքով կամ կոմունալ պարտքով ավագ դպրոց. պահեք այնքան աշխատակից, որքան ունեք աշակերտ, ծախսեք այնքան, որքան ստանում եք»:
Ավելին՝ տեսանյութում: