Կանանց պրոֆեսիոնալ բռնցքամարտի WBA, WBO, WIBF վարկածներով աշխարհի չեմպիոն Սյուզի Կենտիկյանը (34-1) 4 տարվա դադարից հետո կրկին Հայաստանում է: Սյուզին հանդիպեց լրագրողների հետ:
«Շատ ուրախ եմ, որ Հայաստանում եմ: Այստեղ ինձ շատ լավ են ընդունել: 4 տարի չէի եղել Հայաստանում: Հանդիպել եմ Գագիկ Ծառուկյանի, Հրանուշ Հակոբյանի, սպորտի նախարարի հետ:
Նրանք մեծ սիրով կցանկանան գալ մենամարտիս, եթե ժամանակ ունենան: Առաջիկա մենամարտս շատ կարևոր է ինձ համար: Փորձելու եմ պաշտպանել չեմպիոնի կոչումը: Հաղթանակս նվիրելու եմ Ցեղասպանության 100-ամյակին: Գագիկ Ծառուկյանը հանձնեց մեդալ, հայկական ոսկե դրամներ, 100 տարվա կոնյակ ու գինի, որը, հավանաբանր, կբացեմ, երբ ամուսնանամ (ժպտում է):
Գերմանիա մեկնելուց հետո ֆիլմ է նկարահանվելու իմ՝ Հայաստան այցի մասին: Մեծ սիրով կուզենամ մենամարտել Հայաստանում, եթե կարողանանք համաձայնություն ստանալ: Չեմ կարծում, որ կարող եմ վերադառնալ ու կարեիաս շարունակել Հայաստանում, բայց կա հովանավորների խնդիր: Պրոմութերս ասել, որ եթե ցանկանամ, ինքը պատրաստ է մենամարտ կազմակերպել Հայաստանում: Հայկական դրոշի տակ չեմ կարող մենամարտել, քանի որ ունեմ պայմանագրեր, ըստ որոնց՝ դա հնարավոր չէ:
Հաջորդ մրցակիցս դեռևս հայտնի չէ: Մոտ 20 օրից կիմանանք: Ցանկանում եմ 2015թ. Հայաստանում բռնցքամարտի դպրոց բացել աղջիկների համար: Մի քանի ամսից ծրագիրը պատրաստ կլինի: Մյուս շաբաթվանից կվերսկսեմ մարզումներս»:
