Ամերիկյան Textron AirLand ընկերությունը հայտարարել է, որ մտադիր է նոր ուսումնական ինքնաթիռ մշակել և այն առաջադրել ԱՄՆ ռազմաօդային ուժերի տենդերի: Defense News-ի հաղորդմամբ՝ նոր ինքնաթիռը կստեղծվի Scorpion հեռանկարային բյուջետային գրոհային ինքնաթիռի հիմքի վրա: Ուսումանկան ինքնաթիռի մշակման աշխատանքի ավարտից հետո, որի համար, Textron AirLand-ի գնահատմամբ, շատ ժամանակ չի պահանջվի, ընկերությունը նաև մտադիր է համաշխարհայն շուկա դուրս գալ:
Սպասվում է, որ ուսումնական ինքնաթիռում, ինչպեսև բազային հիմքում, կօգտագործվի մեծացված քարշուժով 2 ռեակտիվ շարժիչ: Իսկ թևը ներկայիս 14,4 մետրից կարճ կլինի:
Երկտեղանոց Scorpion-ի երկարությունը 13,3 մ է, թևի բացվածքը՝ 14,4 մ: Ըստ նախագծային հաշվարկների՝ գրոհային ինքնաթիռը կկարողանա զարգացնել մինչև 833 կմ/ժ արագություն և մինչ 4 400 կմ հեռավորությամբ թռիչքներ իրականացնել: Scorpion-ը հագեցած կլինի հրթիռների և պայթուցիկների՝ մինչև 2,8 տոննա ընդհանուր քաշով կախոցներով: Textron AirLand-ը հույս ունի աշխարհի տարբեր երկրների վաճառել 2000 նոր ինքնաթիռ:
