Ամերիկացի լրագրող Փիթեր Թեո Կյորտիսը, որը 2 տարի պատանդ էր Սիրիայում, կիրակի ազատ է արձակվել ու վերադարձել ԱՄՆ, հայտնում է CBS հեռուստաալիքը:
Կիրակի «Ալ Ջազիրա» հեռուստաալիքը հայտնել է սիրիական գերությունից ամերիկացի լրագրողի ազատվելու մասին, որը պատանդ էր վերցվել Թուրքիայի հետ սահմանին 2012 թ. հոկտեմբերին :
Տեսանյությում, որը հայտնվել էր հեռուստաալիքի տրամադրության տակ, տղամարդը պատմում է, որ պրոֆեսիոնալ լրագրող է ԱՄՆ Բոստոն քաղաքից: Լրագրողի խոսքերով՝ ինքը գերության մեջ ստացել է «ամեն ինչ, ինչ իրեն անհրաժեշտ էր», ներառյալ հագուստ և սնունդ:
Դրանից հետո նրան տեղափոխել էին Թել Ավիվում ամերիկյան դեսպանատուն, որտեղ նա անցել է բժշկական զննություն:
Հեռուստաալիքի տվյալներով՝ լրագրողին տեղափոխող ինքնաթիռը երեքշաբթի ուշ երեկոյան վայրէջք է կատարել Բոստոնում, որտեղ նրան դիմավորել է մայրը:
Ավելի վաղ հաղորդվում էր, որ Փիթերը ազատ է արձակվել գերությունից Կատարից բանակցողների միջամտության շնորհիվ: Նա գտնվում էր «Ջեբհաթ Ան-Նուսրա» խմբավորման զինյալների մոտ:
ՄԱԿ-ը նույնպես հաստատել է լրագրողի ազատարձակման մասին լուրը։