Բոստոնում պայթյունների կազմակերպման մեջ մեղադրվող Ջոհար Ցարնաևի փաստաբանները միջնորդություն են ներկայացրել մեղադրական ակտը մերժելու մասին՝ կապված երդվյալ ատենակալների ընտրության ժամանակ խախտումների հետ: Այս մասին հայտնում է Boston Globe պարբերականը:
Պաշտպանությունն իր անհանգստությունն է հայտնել այն բանի առնչությամբ, թե ինչպես է տեղի ունեցել երդվյալ ատենակալների ընտրությունը 2011-2013թթ.: Օրինակ՝ մասնագիտացած երդվյալ ատենակալները, որոնց տարիքը գերազանցել է 70-ը, հաճախ լքել են կոլեգիան:
«Տարիքը, որ 70-ից ավելի է, ինչպես սեռը, ռասան կամ ազգությունը՝ անփոփոխ բնութագրիչներ են: Ոչ ոք չի կարող դառնալ երիտասարդ, ու բացառությունը այդ հիմքի վրա առիթ է տալիս մտածել ոչ օբյեկտիվ պրոցեսի մասին»,- հայտարարել են Ցարնաևի փաստաբանները:
Նրանք նաև նշել են պոտենցիալ երդվյալ ատենակալների թվում աֆրոամերիկացիների ոչ բավարար քանակության մասին:
Փաստաբանները հայտնել են, որ այն երդվյալ ատենակալներին, որոնք չեն ստացել դատական ծանուցում, ոչ ոք չի փոխարինել: