ԱՄՆ-ի առնվազն 25 հզ. պետական աշխատողների անձնական տվյալները վտանգի տակ են: Ինչպես հաղորդել են երկրի ազգային անվտանգության նախարարությունում՝ նախարարության պատվերով անձնական տվյալների հավաքմամբ զբաղվող ընկերության էլեկտրոնային համակարգի վրա կիբեռհարձակում է իրականացվել:
«Հավելյալ տեղեկությունները հնարավոր է ներկայացվեն առաջիկա շաբաթվա ընթացքում, երբ մենք ավելի մանրամասն ուսումնասիրենք այդ խախտումը»,- հայտարարել է նախարարության ներկայացուցիչը:
Նրա խոսքով՝ կիբեռհարձակումն իրագործվել է Վիրջինիայում գտնվող ԱՄՆ-ի Հետախուզական ծառայության նկատմամբ: Գաղտնիության խախտումը հայտնաբերվել է այս ամսվա սկզբին: