ԱՄՆ-ի ֆինանսների նախարարությունը պատժամիջոցներ է մտցրել «Ջեբհաթ ան-Նուսրա» և «Ալ-Քաիդա» խմբավորումների ահաբեկիչների դեմ: Միջոցներ են ընդունվել այդ խմբավորումները ֆինանսավորող Աբդել Մոհսեն Աբդալլա Իբրահիմ աշ-Շարեհի և Համիդ Համիդ Համիդ ալ-Ալիի դեմ: Այս մասին է ասվում օգոստոսի 22-ին նախարարության կայքում տեղադրված հաղորդագրության մեջ:
Հաղորդագրության մեջ ասվում է, որ այս որոշմանը նախորդել է օգոստոսի 15-ին ՄԱԿ-ի Անվտանգության խորհրդի կողմից ընդունված 2170 որոշումը, որը նախատեսում է պատժամիջոցներ կիրառել վեց անձանց նկատմամբ, ովքեր կապված են Իրաքում և Սիրայում գործող «Իսլամական պետության» և «Ջեբհաթ ան-Նուսրայի» գործողությունների հետ: ՄԱԿ-ի ԱԽ-ի պատժիչ միջոցներն ակտվների սառեցում և արտասահմանյան ուղևորությունների սահմանափակում են նախատեսում:
«Մենք լի ենք Սիրիայի և Իրաքի ահաբեկիչների միջոցների հոսքը դադարեցնելու վճռականությամբ, ովքեր շարունակում են բռնության ակտեր իրականացնել և սպառնալ ԱՄՆ-ին և նրա դաշնակիցներին»,- ասվում է ԱՄՆ-ի ֆինանսների նախարար Դևիդ Քոենի հաղորդագրության մեջ: