Շվեյցարիայի Սանկտ Գալլեն քաղաքի մզկիթում հրաձգության արդյունքում մեկ մարդ է զոհվել: Կրակողը ձերբակալված է: Ընդ որում, առայժմ հայտնի չէ, թե դեպքի պահին քանի մարդ է եղել մզկիթում, գրում է ITAR-TASS-ը:
Ավելի վաղ Բաղդադի հյուսիս-արևելքում մզկիթներից մեկում ևս հարձակում էր իրագործվել: Մզկիթի շենքում ինքն իրեն պայթացրել էր մահապարտ ահաբեկիչը, որից հետո մզկիթ էին ներխուժել զինված գրոհայինները: Նրանք կրակ էին բացել ներսում գտնվողների վրա: Առնվազն 68 մարդ զոհվել, 30-ը՝ վիրավորվել են: